top of page
LogoHeader 02.png
drapeau Timor Leste.png

INFORMASAUN

Champagnat Cup 2023

Champagnat Cup 2023

24 April 2023

Instituto Katóliku Formasaun Professores(ICFP) Marista Baucau, organiza Jogu Champagnat Kap hodi Selebra Aniversario Mahein ICFP Champagnat ba dala 21 Iha Munisipiu Baucau.

Diretur Instituto Katóliku Formasaun Professores Marista Baucau,Gilchrist FMS hateten,jogu ne’ebe realiza iha Munisipiu Baucau inisiativa husi Alumi Marista sira hodi selebra aniversario Mahein Champagnat, tamba ne’e husu agradese ba parte hotu tamba bele partisipa masimu iha jogu refere.
“Iha Baucau ema barak partisipa hamutuk halo kontenti no loron espesial ba komunidade sira,” dehan Gilchrist FMS iha vila antiga Baucau.
Komisaun Organizadór,Oldegar Fédio Manuela da Costa afirma,aniversario Mahein Champagnat Instituto Katóliku Formasaun Professores Marista Baucau,kada tinan sempre selebra iha loron neen fulan juñu,maibe jogu foin primeira ves no parte ida atu hametin relasaun amijade entre estudante no entidade sira iha Munisipiu Baucau.
“Jogu ne’e atu hametin ami nia amizade ho instituisaun no estudante sira no hametin liu tan ami nia kultura respeita malu atu bele inspira joven sira labele halo konflitu,”Tenik Prezidenti komisaun organizador.
Representante Jogadór,Joaquina Espirito Santo de Oliveira, sente kontente tamba bele partisipa iha jogu Champagnat CUP hodi hasa’e talentu pessoal ida-idak nian iha area desportu.
“Festa Champagnat kap atu harii dame liu-liu joven sira tanba dadaun ne’e joven balun la interse jogu maibe gosta buat ne’ebe la benifisiu,” dehan reprezentante jogador.
Enkuantu,jogu Champagnat CUP klubu hamutuk 44 kompostu husi Futsall Mane 13, Futsall Feto 13 no Volly mane 9,Volly Feto 9,iha ne’ebe partisipa husi Estudante Marista Baucau,F-FDTL, Administrasaun Munisipiu,Canossa Baucau, Estudante UNTL inklui entidade sira seluk iha Munisipiu Baucau, no Jogu refere hahu iha loron 16 no sei termina iha loron ida fulan junu tinan 2023.

bottom of page