top of page
LogoHeader 02.png
drapeau Timor Leste.png

INFORMASAUN

LAODATO SI
HAMATAK AMBIENTE NO PROTEJE BEE

LAODATO SI
HAMATAK AMBIENTE NO PROTEJE BEE

23 March 2023

Nu’udar Timor-oan ema hotu iha obrigasaun hodi halo protesaun ba ambiente hodi bele suntentabiliza ba futuru tuir artigu 61 Konstituisaun Repúblika Demokratika de Timor-Leste. Ho razaun ida ne’e mak Senadu Instituto Católico Para a Fromação de Professores (ICFP) Baucau estabelese programa “Hamatak Ambiente no Proteze Bee”. Ho programa ida ne’e mak realiaza atividade “kuda ai-oan” iha Bela Vista, Aldeia Builai, Suku Buibau Postu Administrativu Baucau Vila.

Liu husi serbisu hamutuk ho Xefe Delegasaun ba Florestas Plantas Industria Munisípiu Baucau, Sr. Pascoal Afonso Belo, xefe aldeia Builai Sr. Armindo Sequeria Ornai, Suku Buibau, Diretór EBC Uailili Sr. Domingos Fraga, no komunidade lokál bele realiza atividade sira ne’e ho di’ak iha loron 18 fulan Marsu tinan 2023.
Liu husi Xefi Departamentu Delegasaun Teritorial Florestas Plantas Industriais Munisípiu Baucau, Sr. Pascoal Afonso Belo, oferese ai-oan atus haat (400), kompostu husi ai-Saria, Mahoni, Kulu-Jaka no Kaizu. Husi ai-oan atus haat ne’e, ekipa senadu hamutuk ho estudante atual, Presidente Alumni Sra. Maria Imaculada Conceição hamutuk ho vice president Sr. Marcos de Andrade no alumni balun, Staff ICFP, tekniku Guarda Floresta Sr. Rigoberto da Silva Freitas, xefe aldeia Builai, alunos sira husi EBF Bela Vista no manorin sira kosenge kuda ai-horis sira ne’e iha fatin sira mak hanesan tuir mai:
FATIN KUDA TOTAL AI-OAN
1. Area besik igreja Bela vista 230
2. Area besik eskola Bela Vista 24
3. Area Gruta Builai 50
4. Area besik bee-lihun “Wailoto” 96
Atividade Kuda ai-oan la’o di’ak tebe-tebes tanba kontribuisaun ema hotu ne’ebé mak mensiona iha leten no apoiu finanseiru ba transporte, bee no ai-han ki’ik balun husi ICFP hodi realiza atividade ne’e hotu ho susesu.

bottom of page