top of page
LogoHeader 02.png
drapeau Timor Leste.png

INFORMASAUN

NOTA BA MANORIN BAZEIA BA KURRÍKULU NASIONAL 2014

NOTA BA MANORIN BAZEIA BA KURRÍKULU NASIONAL 2014

15 March 2023

Mestra Edviges hato’o instrusaun ba atividade tutorial kona-ba prepara KOMPONENTE ESENSIAL IHA SALA LARAN BAZEIA BA KURRÍKULU NASIONAL 2014. Tuir mai Mestra Joaquina no mestra Edviges fahe material ba estudante sira iha grupu sanulu (10). Grupu ida-idak hetan material sira hanesan: flip chart papel A4 koloridu no mutin, teizoura, kaixa mamuk, corres, markadór, fita kola no seluk tan.

Estudante iha grupu ida-idak hanoin hamutuk fahe ideia ba malu hodi prepara komponente esensial iha sala laran. Komponente esensial iha sala laran mak hanesan: Relójiu, mapa Timor-Leste, kantiñu ba kada dixiplina, bibleoteka klase nian, regra kalse nian, kuadru frekuénsia, pikete limpeza, kaixa sujestaun, kaixa kompromisu, kuadru aniversáriu, Kuadru matenek, Korreu amizade, livru vizita klase nian, lista komite klase nian, kalendáriu data fulan & tinan no kuadru justifikasaun.
Estudante sira hatudu sira nia kriatividade furak no kapaas tebes. Estudante sira haksolok tebes halo atividade hirak ne’e.
Objetivu husi atividade refere mak atu dezenvolve estudante sira nia kriatividade no abilidade hodi bele sai matenek no esperiénsia ida sira nia papél nu’udar manorin iha futuru. Iha parte seluk tulun sira atu bele maneja material sira iha kantu klase nian no maneja material sira tuir dixiplina ida-idak.

bottom of page