top of page
LogoHeader 02.png
drapeau Timor Leste.png

PASTORAL JUVENIL MARISTA

Grupu estudantíl ne’e harii iha tinan 2019 liu husi pedidu voluntária Mana Janaini ema Brazil ne’ebé ho nia inisiativa hato’o nia hanoin tomak ba Ir. Peter hodi halibur joven sira iha ICFP. Mana Janaini hamutuk ho Mana Domingas Belo hahú formasaun dahuluk iha fulan Maiu too Jullu hodi forma Joven sira sai Protagonista ba sosiedade. Misaun PJM mak promove formasaun integral ba sidadaun étiku, justu no solidáriu liu husi edukasaun ne’ebé orienta ho valór evanjellu nian, jeitu inan Maria Virgem hodi halo transformasaun ba sosiedade. Vizaun iha tinan 5 mai PJM bele sai hanesan referénsia ida ba edukasaun ho kualidade iha evanjelizasaun, halo promosaun, próteze no defende direitu labarik, adolexente no joven sira. valores sira mak hanesan halibur malu, konfiansa, modéstia, Amizade, Partilla, Simplisidade, despojamento, sensibilidade, determinasaun, alegria, kompromisu, no umildade. Oras ne’e PJM kontinua buras ho formadores sira hanesan Me. Domingas, Me. Mariano, Me. Silvanio, Me. Joaquina, Me. Julieta, Mana Henriqueta, Me. Virginia no Mana Femi.

bottom of page