Asembleia XI edukasaun superiór marista nian iha Roma.
Tinan ida-ne'e 2025, iha fulan-Maiu, asembleia ba dala XI ba universidade marista sira hotu ne'ebé fornese ensinu superiór ida iha mundu tomak akontese iha Roma, ho partisipasaun husi nasaun 10, mai husi kontinente 5.
Asembleia ida-ne'e hala'o iha uma prinsipál Marista nian iha Roma hahú husi loron 28 fulan-abríl to'o loron 2 fulan-maiu tinan 2025. Delegasaun ida husi ICFP Timor-Leste partisipa iha asembleia ne’e: Ir. Peter Corr, fms, mestre Mariano dos Santos no mestra Juvinalia Ribeiro. Iha loron dahuluk, superiór jerál kongregasaun Marista simu sira hotu. Tuir mai sira halo ona diskusaun, reza no misa, ne'ebé permite partisipante hotu-hotu atu fahe sira nia esperiénsia pesoál ne'ebé hasoru iha eskola Marista hotu-hotu iha mundu tomak. Konvivialidade, fraternidade no fiar fahe malu mak halibur ita hotu nu’udar maun-alin.