Loron Veteranus : Atividade kuda ai-oan hala’o ona husi estudante sira ICFP nian
Iha loron 3 fulan Marsu tinan 2025, hodi komemora Loron Veteranus : Atividade kuda ai-oan hala’o ona husi estudante sira ICFP nian atu nune’e bele proteje área sira ne’ebé iha posibilidade aas ba dezastre naturais hanesan rai halai no mós atu garante ambiente ne’ebé moos no saudavel ho tema “Ema ida, ai-hun ida hodi kontribui ba ambiente”.
Atividade ne’e ajuda tebes estudante sira hodi hasa’e sira nia koñesimentu iha siénsia ne’ebé durante ne’e aprende liu-liu iha unidade EDST nian.
Objetivu husi atividade ne’e mak hanesan :
- Partisipa ba dezenvolvimentu jerál estudante sira nian
- Aplika abilidade ne'ebé aprende iha unidade EDST.
- Halo konxiénsia ba estudante sira kona-ba oinsá atu prevene dezastre naturál sira.
- Kontribui ba ambiente saudavel.
Partisipante sira ne’ebé involve iha atividade ne’e mak estudante atuál, konsellu, dosente, alumni no pesoál ICFP.
