Selebrasaun ba Susessu: Mestradu Foun iha ICFP
Ami kontente tebes atu fó sai katak Virgínia de Fátima Ximenes, membru dosente ida ne’ebé dedikadu iha Instituto Catolico para a Formacao de Professores (ICFP), konsege remata ona nia Master of Arts in Education, Major in Curriculum and Teaching ho Espesializasaun ba Aprendizajen iha Séklu 21. Susessu ne’e marka momentu importante ida iha nia karreira akadémika no ba ICFP iha Baucau
Virgínia hahú nia programa mestradu iha tinan 2024 iha Miriam College iha Quezon City, Filipinas. Nia estuda ho didi’ak liuhusi aula online, kompleta unidade 14 iha tinan rua nia laran. Nia viajen edukasaun ne’e posivel tanba apoiu husi ICFP, ne’ebé patrosina nia estudu. Investimentu iha dezenvolvimentu profisionál ne’e hatudu ICFP nia kompromisu atu hasa’e kualifikasaun husi nia profesór sira.
Ho rekomendasaun husi Fakuldade Artes, Siénsia, no Edukasaun, Miriam College, Virgínia nia susessu mak testemuñu ida ba nia badinas no perseveransa. Nia esperiénsia foun iha aprendisajen sékulu 21 sei sai benefísiu boot ida, sei habelar ambiente akadémiku iha ICFP no fó benefísiu ba estudante sira iha tinan barak mai.
Favor ida, hamutuk ho ami hato'o parabéns ba Virgínia de Fátima Ximenes! Ami orgullu tebes ho ita bo’ot nia susessu.
