
Vizita Ajensia Nasional ba Avaliasaun no Akreditasaun Akadémika (ANAAA)

Loron 22 fulan janeiru 2025, Dr. Nilton Diamantino Paiva Mau, ph.D, nu’udar diretór ezekutivu ANAAA hala’o visita ofisial mai ICFP Baucau.
Tinan-tinan Diretór ezekutivu Ajensia Nasional ba Avaliasaun no Akreditasaun Akadémika (ANAAA) hala’o visita ba universidade no instituisaun ensinu superior.
Nune’e loron 22 fulan janeiru 2025, Dr. Nilton Diamantino Paiva Mau, ph.D, nu’udar diretór ezekutivu ANAAA hala’o visita ofisial mai ICFP Baucau.
Iha visita ne’e Dr. Nilton Paiva, entrega sertifikadu akreditasaun Internasional husi Lembaga Akreditasi Mandiri Kependidikan (LAMDIK) ba programa Bacharelatu do Ensino Basico (Bachalor of Elementary School) ne’ebé implementa iha ICFP, alen de ne’e entrega mós karta ofisial ba preparasaun akreditasaun ba programa Lisensiatura Edukasaun ne’ebé sei realiza iha tinan ida ne’e.
Iha biban ne’e Dr. Nilton Paiva mós enkoraja estudante foun ICFP ne’ebé tuir hela orientasaun atu mantein sira nia estudu iha ICFP, tanba ICFP mak instituisaun ne’ebé mak kualidade iha formasaun professores ne’ebé hetan valór akreditasaun husi ANAAA ba programa bacharelatu ho kualifikasaun A ho valór 91% no nu’udar instituisaun edukasaun dahuluk ne’ebé hetan akreditasaun internasional husi LAMDIK Indonesia.