VIZITA SR. PHILLIP BA ICFP FOKA BA PARSERIA ESTRATÉJIKA HO ERASMUS
Baucau loron, 18 fulan Juñu Instituto Católico para a Formação de Professores (ICFP) Baucau simu vizita formál husi Dr. Phillip Endicott D.Phil.,M.Sc.,M.A.,B.A.Hons. Peskizadór husi Institute of Economics, University of Tartu, Estónia.
Enkontru importante ne'e foka liu ba diskusaun kona-ba dezenvolvimentu kooperasaun serbisu internasionál ne'ebé sei realiza entre ICFP no Universidade de Tartu, hodi konekta ho programa ERASMUS.
Iha reuniaun ne'ebé hala'o hamutuk ho Diretur ICFP, Irmão Paul Gilchrist, fms, no membru komité ezekutivu sira, parte rua ne'e diskute pilar prinsipál tolu ne'ebé ligadu ho fundu no padraun ERASMUS nian:
Peskiza Konjunta: Implementasaun projetu investigasaun sientífika ho parseiru Europeu sira.
Apoiu Kapasitasaun: Dezenvolvimentu kualidade no koñesimentu akadémiku ba dosente sira.
Troka Estudante (Student Exchange): Mobilidade internasionál ne'ebé fó biban ba estudante ICFP sira hodi aprende iha rai-li'ur.
Vizita ne'e sai hanesan pasu importante ida hodi hafasil serbisu hamutuk longu prazu, nu'udar parte rua ne'e prepara hela hodi estabele Memorandu de Entendimento (MoU) iha tempu badak nia laran.
