Aprezentasaun Orador Fundasaun Katilosa iha ICFP Baucau.
Iha 04 fulan Fevereiru tinan 2025 : Estudante sira husi ICFP Baucau hetan oportunidade atu partisipa iha aprezentasaun ida ne’ebe husi orador Fundasaun Katilosa. Aprezentasaeun ne’e ho topiku “Hanorin no atendementu ba kanorin siro ho defisiensia”.
Fundasaun Katilosa mak organizasaun ida ne’ebe hala’o servisu iha area inkluzaun ba ema ho defisiensia, ho objetivu atu proporsiona atendimentu no edukasaun ne’ebe inkluzivu no di’ak liu ba sira.
Iha aprezentasaun ne’e, orador husi Katilosa fo esplikasaun kona-ba :
- Definisaun no tipu Defisiensia : Orador hato’o klarifikasaun kona-ba variasaun defisiensa (auditiva, visual, motora, intelektual no autizmu) no impaktu sira iha vida lorloron.
- Abordajen pedagojika inkluzivu : Estratejia hanorin ne’ebe bele hatun difikuldade ba estudante ho defisiensia, inklui metodu ensinu adaptativu no utilizasaun rekursu audivizual.
- Atendimentu Espejializadu : Informasaun kona-ba servisu ne’ebe Fundasaun Katilosa oferese, hanesa terapia okupasional, fisioterapia, no apoia psikolojiku ba estudante ho defisiensia.
- Importansia inkluzaun iha sistema edukasaun : Orador fo hanoin kona-ba kualidade edukasaun inkluzivu no importansia atu estimula estudante hotu sira komprende no respeita direitu kanorin sira ho defisiensia.
- Dezafiu no oportuniade : Diskusaun kona-ba dezafiu ne’ebe estudante ho defisiensia foti iha sistema edukasaun no hadi’a kondisaun atu sira bele aprende ho efetivu.
Aprezentasaeun ne’e fo hanin ne’ebe profunda ba estudante kona-ba papel hanorin iha promove inkluzaun no bele kontribui ba aprendizajen estudante ho defisiensia.
Estudante sira mos hetan tempu atu husu perguntas no partilla hanoin sira kona-ba esperiensia inklusaun iha kontestu edukasaun Timor-Leste.
Atu remata atividade ne’e fo motivasaun ba estudante atu hadomi no valoriza prinsipiu edukasaun inkluzivu, no fo preparasun di’ak liu ba sira atu sai manorin ne’ebe sensivek no kompetente iha futuru.
