Graduasaun ICFP tinan 2025
Iha loron 15 Marsu 2025, ICFP realiza graduasaun ba programa Bacharelato em Ensino Basico (B.EB.) ba dala XIX no programa Licenciatura da Educa çao (L. Ed.) ba dala VII ho total ema 130.
Total estudante ne’ebe gradua ba grau Bacharelato em Ensino Basico ho total 64, kompostu hosi mane 23 no feto 41.
Total estudante ne’ebe gradua ba programa Licenciatura Educaçao ho total 66, kompostu hosi mane 16 no feto 50.
Graduasaun ne’e lidear hosi Pe. Evaristo Antonio da Costa, nu’udar reprezentante Governador ICFP, Dom Leandro Maria Alves, Bispo de Diocese de Baucau. Iha seremonia ne’e marka prezensa mos hosi Presidente da Republika Demokratika Timor-Leste, Dr. Jose Ramos Horta, Embasadora Australia ba Timor-Leste, Sra. Caitlin Wilson, Ministru Ensino Superior Siensia no kultura Dr. Jose Honorio da Costa Pereira Jeronimo, diretor ezekutivu ANAAA, Dr. Nilton Paiva, membru PhD, diretor serbisu edukasaun munisipiu Baucau, Sr. Afonco do Santos Freitas, Komandante PNTL munisipiu no eskuadra Baucau, diretores no koordenadores eskola sira, reliziozu no relizosa sira, doadores, inklui inan/aman graduantes sira nian.
Iha graduasaun tinan ida-ne’e graduadu Salustiano Ximenes da Costa reprezenta graduadu sira hato’o agradesmentu ba ema hotu ba staff tomak ICFP nian, duadores, inan/aman, diretores, koordenadores manorin eskola sira hotu, inklui ema hotu ne’ebe apoiu ona sira nia estudu.
